Hideak
Hegaztiak ikusteko behatokiakZER DIRA HIDEAK?
Hideak nork bere burua ezkutatzeko egiturak dira, barrutik basa-hegaztiak ikusi eta argazkiak atera ahal izateko, animaliei inolako trabarik sortu gabe. Era horretan gizakiak ez du portaera naturalean eragiten.
Ingelesez “to hide” aditzak “ezkutatu” adierazten du. Kontuan har dezagun ornitologiaren munduan eta batik bat hegaztien behaketan ingelesetik etorritako hitz ugari dagoela, bai ingelesak bai iparramerikarrak hegaztietan oinarritutako turismoko zaleturik jandienak dira eta.Urteko edozein sasoitan erabil daitezke; izan ere, hegaztiak hilabete guztietan hurbiltzen dira jateko, edateko edo bainu bat hartzeko.
Dena den, urtarorik aipagarriena negua da, hegazti kopurua handiagoa baita eta sarriago hurbiltzen baitira. Hala Iturria nola Urbigain berogailuz hornitu daitezke, nahiz eta kanpoaldean hotz gorria egin barruan berotasunean egon ahal izateko.
ITURRIA
URBIGAIN
SAITOKIAK
ARAUAK ETA KODE ETIKOA
SEO Birdlife-k bultzatutako kode etikoa beti aplikatuko da, alegia, “hegazti ikuslearen kode etikoa”. Erabiltzaileak ale inprimatu bat izango du eskura.
- Hidean sartzean eta barrutik irtetean isiltasun osoa izan behar da, hegaztiei eragozpenik ez sortzeko.
- Hide barruan egonda ezin izango da zaratarik egin edo argia daukan inolako gailurik piztu, hegaztiei eragozpenik ez sortzeko (zenbait hegazti oso izutiak dira zaraten aurrean).
- Hide barnean ezin da sakeleko telefonorik erabili, bibrazio moduan ez bada, ezta zarata sortzen duen gailurik ere.
- Inor ezin daiteke inola ere gordelekutik kanpora irten. Behar izanez gero, hideren arduradunari deitu beharko zaio, berak ikuslea atera dezan.
- Hide barruan ez dago erretzerik.
- Barruan nahiz kanpoaldean ezin daiteke hondakinik utzi. Edukiontzi hurbilenean utziko dira hondakinak.
- Arropa iluna eraman beharra dago.